Татарстан Республикасынын башчысы Рустам Минниханов өкмөттүн орус тилин билбеген мигрант балдарга мектепке баруусуна тыюу салган мыйзамын кескин сынга алып, муну “абсурддук тантык” деп атады, деп жазат Meduza.
Басылманын маалыматына караганда, Татарстандын башчысы орус өкмөтүнүн чечимин айыптап, балдардын орус тилин билбегени алардын күнөөсү эмес экенин, анын ордуна аларга тил үйрөтүү керектигин эскерткен.
"Иштешибиз керек, системалуу иштешибиз керек. Кантип баланы мектепке жибербей коёбуз? Мектеп анын орду эмеспи? Тил билбегени анын күнөөсү эмес. Ал үйрөнөт. Ар бир бала тилди 3-4 айда үйрөнөт. Мунун эч кандай жаман жери жок. Бул чечимдин маанисиз.
Миннихановдун айтымында, учурда Татарстанда 3 миңден ашык чет элдик балдар жана 22 миңден ашуун мигрант студенттер билим алууда.
"Мигранттарсыз иштей албайбыз. Алар биздин эмгек ресурсубуз. Аларды кайдан алсак болот? Алардын көбү эмгекчил, мыйзамды сыйлаган жарандар. Бул маселенин үстүндө системалуу иштешибиз керек", - деди Татарстандын башчысы билим берүү жана илим кызматкерлеринин жыйынында.
Мындан тышкары Минниханов чет элдик балдар үчүн орус тилин үйрөтүү боюнча курстарды уюштурууну тапшырды.
Маалымат үчүн айта кетсек, 2025-жылдын 1-апрелинен тарта Орусияда чет элдик балдарды мектепке кабыл алууда орус тилин билүү деңгээлин текшерүү боюнча мыйзам күчүнө кирген. Бул мыйзамга ылайык, мигрант балдар мектепке киргенге чейин орус тилин билүүсүн тастыктаган тесттен ийгиликтүү өтүшү керек.
Орусиянын Керектөөчүлөрдүн укуктарын коргоо жана санитардык-эпидемиологиялык көзөмөл кызматынын май айындагы отчетуна ылайык, бийлик мигранттардын тестирлөөдөн өтүү үчүн берген арыздарынын 81 пайызын четке каккан, анткени чет өлкөлүк жарандар документтерин толук бере албаган, туура эмес маалымат берген же мектептерде орун жок.
Жакындарыңыз менен бөлүшүңүз:
Цитата, күндүн саны, кызыктуу үн билдирүүлөрү жана күндүн дайджести - биздин Telegram каналыбызда!
