Кытай Украинадагы бейпилдик миссиясына кошулууга даяр экенин билдирди, деп жазат Welt am Sonntag.
Басылма Евробиримдиктеги булактарына таянып, Бээжин мындай кадамга БУУнун мандатынын негизинде гана макул болгонун билдирди.
"Кытай Украина кризисине карата өзүнүн объективдүү жана адилет позициясын коргоп, ар дайым ачык жана калыс болуп келген. Биз бардык тараптар жалпы, ар тараптуу, кызматташтык жана туруктуу коопсуздук концепциясын карманышы керек деп эсептейбиз. Кытай бул процессте конструктивдүү роль ойноого даяр", - деди Кытайдын тышкы иштер министри.
Бул демилгеге Брюсселде башкача баа берилгени белгиленет. Бир жагынан, Глобалдык Түштүк өлкөлөрүнүн, анын ичинде Кытайдын катышуусу чет элдик аскерлерди жайгаштыруу боюнча чечимдерди кабыл алууга жана ок атышпоо режиминин сакталышын көзөмөлдөөгө жардам бере алат. Башка жагынан алганда, Евробиримдиктин расмий өкүлдөрүнүн бири Кытай Украинада негизинен тыңчылык ишмердүүлүгүн жүргүзүп, жаңжал чыккан учурда нейтралдуу эмес, ачык орусиячыл позицияны карманышы мүмкүн экенин айтты.
Ошондой эле, Евробиримдиктин көпчүлүк өлкөлөрү ар кандай себептерден улам потенциалдуу бейпилдик күчтөрүнө алдын ала БУУнун мандатын берүүгө каршы. Бирок Италия бул маселеде бир нече айдан бери чечкиндүү болуп келет.
Украинанын президенти Владимир Зеленский ушул жылдын 21-августунда Кытайдын коопсуздук кепилдигин берген өлкөлөрдүн катарына кирүүсү мүмкүндүгүн четке какты. Анын айтымында, Пекин 2022-жылы согушту токтотууга жардам берген эмес жана 2014-жылы Орусия Крымды аннексиялап алганда «эч нерсе кылган эмес».
Орусиянын тышкы иштер министри Сергей Лавров 2022-жылы Стамбулда өткөн сүйлөшүүлөрдө Украинанын коопсуздук кепилдигинин принциптери талкууланганын эске салып, ал кезде Киев НАТОго жана башка аскердик блокторго кирбөөнү жана бейтарап макамды кабыл алууну сунуштаган. Ал эми Орусия БУУнун Коопсуздук Кеңешинин туруктуу мүчөлөрүнүн – Москва, Пекин, Вашингтон, Лондон жана Париждин катышуусу менен коопсуздук кепилдиги идеясын колдоду.
Ошондой эле Axios булактарынын маалыматына ылайык, Орусиянын президенти Владимир Путин АКШнын президенти Дональд Трамп менен Аляскада жолугушуусунда Украина үчүн коопсуздук кепилдиги берген өлкө катары Кытайды атады.
Азырынча Украинанын коопсуздук кепилдигин иштеп чыгууга негизинен Батыш өлкөлөрү – Улуу Британия, Франция ж.б.у.с. Зеленский ошондой эле Түркияны потенциалдуу гарант катары атады.
Жакындарыңыз менен бөлүшүңүз:
Цитата, күндүн саны, кызыктуу үн билдирүүлөрү жана күндүн дайджести - биздин Telegram каналыбызда!
