Бүгүн, 22-августта Орусиянын президенти Владимир Путин Азербайжандын президенти Илхам Алиевдин жубайы, өлкөнүн биринчи вице-президенти Мехрибан Алиеваны туулган күнү менен куттуктады. Куттуктоонун текстин Азербайжан президентинин басма сөз кызматы жарыялады.
"Урматтуу Мехрибан Арифовна, туулган күнүңүз менен чын дилимден куттуктайм. Сизге чың ден соолук, бакыт-таалай, бакубатчылык жана ишиңизге ийгилик каалайм", — деп жазган Путин.
Каттын аягында Путин Мехрибан Алиевадан анын саламын күйөөсү Илхам Алиевге жана Алиевдердин үй-бүлө мүчөлөрүнө жеткирүүсүн суранды.
Куттуктоо эки өлкөнүн ортосундагы акыркы мезгилде чыңалган мамилелердин фонунда жөнөтүлдү. Москва менен Бакунун мамилеси Актауда азербайжандык учактын кыйрашынан жана эки өлкөнүн аймагындагы жарандардын колго түшүрүлүшүнөн кийин кескин өзгөрдү.
Маалымат үчүн айта кетсек, Мехрибан Алиева 1964-жылы 26-августта Бакуда төрөлгөн. Ал Азербайжандын президенти Илхам Алиевдин жубайы жана өлкөнүн биринчи айымы. Ал 2017-жылдан бери Азербайжандын биринчи вице-президенти кызматын аркалап келет. Саясатка келгенге чейин Гейдар Алиев фондун жетектеп, парламенттин депутаты да болгон.
Жакындарыңыз менен бөлүшүңүз:
Цитата, күндүн саны, кызыктуу үн билдирүүлөрү жана күндүн дайджести - биздин Telegram каналыбызда!
