Израил аскерлеринин Газа тилкесин толук басып алуу операциясы 2026-жылга чейин уланат.Бул тууралуу Ynet агенттиги өкмөттүк булактарга таянуу менен билдирди.
Басылманын маалыматы боюнча, Израилдин Коргоо күчтөрүнө (IDF) запастагы жоокерлерди мобилизациялоо үч этапта – 2025-жылдын сентябрь жана ноябрь айларында, ошондой эле 2026-жылдын мартында жүргүзүлөт.
Өлкөдө жайгашкан телерадиокомпаниялардын маалыматы боюнча, операцияга 5 дивизия, 12 бригадалык күжүрмөн топтор, ошондой эле Газа дивизиясынын түндүк жана түштүк бригадалары катышат. Урушка уч резервдик бригада да тартылат. Операциянын туу чокусунда кызмат өтөй турган запастагы жоокерлердин саны 130 миң болот. Газаны алуу пландары 21-августта Израил өкмөтүнө сунуштала турганы белгиленди.
The Times of Israel гезитинин маалымат булактарынын маалыматына караганда, 60 миң резервист аскерге чакырылат.
Белгилей кетсек, Газаны толук масштабдуу басып алуу маселеси социалдык тармактарда камактагылардын тамактанбай кыйналып жатканын көрсөткөн видео тарагандан кийин ого бетер курчуган. Видеодо адамдардын бири ачка, тура албай, "өлүм алдында" калганын көрүүгө болот. Израил ХАМАСты барымтадагыларды ачка калтырды деп айыптады, бирок уюм бул айыптоолорду четке кагып, барымтадагылар аскерлер менен ачкачылыкта жаткан газалыктардын тамактарын жешет деп билдирди.
Жакындарыңыз менен бөлүшүңүз:
Цитата, күндүн саны, кызыктуу үн билдирүүлөрү жана күндүн дайджести - биздин Telegram каналыбызда!
