АКШнын президенти Дональд Трамп так белгилегендей, Украинадагы согуш 8-августка чейин бүтүшү керек.Бул тууралуу АКШнын БУУдагы туруктуу өкүлү Жон Келли билдирди. Бул тууралуу РБК ага шилтеме берип жазды.
"Орусия да, Украина да ок атышпоо жана туруктуу тынчтык орнотуу боюнча макулдашып алышы керек. Келишим түзүүгө убакыт келди. Президент Трамп муну 8-августка чейин жасоо керектигин ачык айтты. АКШ тынчтыкты камсыз кылуу үчүн кошумча чараларды көрүүгө даяр", - деди ал БУУнун Коопсуздук кеңешинин жыйынында.
8-августта Трамптын Орусияга койгон 10 күндүк ультиматумунун мөөнөтү аяктайт. Бул мөөнөттөн кийин АКШ президенти жаңжалды жөнгө салууда жылыш болбосо, Орусияга жана анын соода өнөктөштөрүнө “дээрлик 100 пайыз” кошумча тарифтерди киргизүүнү убада кылды.
Кремль Трамптын билдирүүлөрүн маалымат катары кабыл алганын билдирди. Орус президентинин басма сөз катчысы Дмитрий Песков орус экономикасы "көп сандагы санкциялардын" астында ишин улантып жатканын жана аларга карата "белгилүү бир иммунитетти" иштеп чыкканын айтты.
Ультиматумдан кийин АКШ президенти Дональд Трамп менен Орусиянын мурдагы президенти Дмитрий Медведев социалдык тармактарда тирешип кетишкен.
Жакындарыңыз менен бөлүшүңүз:
Цитата, күндүн саны, кызыктуу үн билдирүүлөрү жана күндүн дайджести - биздин Telegram каналыбызда!
