Жакын Чыгышта Блинкен. АКШнын Сириядагы кызыкчылыгы кандай?

АКШнын мамлекеттик катчысы Жакынкы Чыгышка кайтып келди: бул жолу Газа эмес, Асаддан кийинки Сирия талкуунун борборунда. Kun.uz сайтынын "Геосиёсат" программасында саясий серепчилер Вашингтондун Сириядагы кызыкчылыктары тууралуу сөз кылышты. 

АКШнын мамлекеттик катчысы Энтони Блинкен Сириядагы мамлекеттик төңкөрүштүн фонунда кийинки жолу Жакынкы Чыгышка барды. Ал Сириянын кошуналары – Иордания, Түркия жана Иракка барып, Асаддан кийинки Сирия боюнча сүйлөшүүлөргө чогулган аймак өлкөлөрүнүн министрлеринин жыйынына катышты.

 Kun.uz сайтынын "Геосиёсат" апталык талдоо программасында саясий серепчилер АКШнын Сириядагы кызыкчылыктары жана максаттары тууралуу сөз кылышты.

 Саясат таануучу Бектош Бердиевдин айтымында, АКШнын Жакынкы Чыгыштагы максаттарынын бири – Чоң Жакынкы Чыгыш концепциясын ишке ашыруу. Бул концепциянын негизги маселелеринин бири – Эркин Күрдистан мамлекетин түзүү. Эркин Күрдистан төрт өлкөнүн – Түркия, Сирия, Ирак жана Ирандын жеринен түзүлүшү пландалууда.

 «Сириянын мындан аркы тагдыры АКШ менен Түркиянын ортосундагы сүйлөшүүлөргө жана келишимдерге жараша чечилет. Ошондой эле Сириядагы жаңы өкмөттүн ырааттуу келечеги АКШ менен Түркиянын мамилесинен көз каранды»,-деди.

 Бердиевдин айтымында, АКШнын Сириядагы кызыкчылыгы биринчиден, Израилдин түндүк чек араларынын коопсуздугу, экинчиден, Күрт мамлекетин түзүү же жок дегенде бул багытта кадамдарды жасоо, үчүнчүдөн, Ирандын Сириядагы таасирин толугу менен жок кылуу.

 Саясат таануучу Шухрат Расулдун айтымында, бүгүн АКШ Түркия менен эсептешүүгө аргасыз. Өз кызыкчылыктары жагынан Вашингтон Сирияда федералдык мамлекет түзүүнү сунуштап жаткандыр.

 «Биз көз карандысыз үч гана өлкөнүн позициясы, анын ичинде Американын эски душманы Ирандын позициясы тууралуу болуп жатат, бул абдан маанилүү. Америка канчалык күчтүү болсо да, аймактагы төрт мамлекет менен бир убакта согушуп, аларга зордук-зомбулук көрсөтүү менен чоң Күрдистанды түзө албайт.

 Вашингтон менен Анкара Сирияда федерация түзүүнү каалашат. Андан кийин бул алкакта күрттөр автономия убада кылынышы мүмкүн»,- деди.