Optimus роботунун жаңы версиясы мурункусуна караганда 30 пайызга ылдамыраак жана 10 килограммга жеңил.
— gorklon rust (@elonmusk) May 13, 2025
Америкалык миллиардер Илон Маск өзүнүн X социалдык тармактагы баракчасында Тесла тарабынан жасалган Optimus аттуу бийлеп жаткан гуманоид роботу тартылган видео менен бөлүштү.
Тесланын робототехника программасын башкарган Милан Ковачтын айтымында, Optimus роботу автономдуу агенттердин чечим кабыл алуусунун негизинде программалык камсыздоо аркылуу жакшыртылган. Анын бийи "эрте жыйынтык, ал жакында туруктуураак болот".
Маск кадрларда көрүнгөн коопсуздук кабелинин роботтун тең салмактуулугун сактоо үчүн эмес, кулап калбаш үчүн орнотулганын айтты. "Бул реалдуу убакытта тартылган" дейт бизнесмен.
Тесла жаңыланган Optimus роботун 2023-жылдын декабрынын аягында тааныштырды. Мурунку версияга салыштырмалуу ал кыймылын жакшыраак башкарууну үйрөндү. Кошумчалай кетсек, робот мурункусуна караганда 30 пайызга ылдамыраак кыймылдап, 10 килограммга жеңилирээк.
Буга чейин япониялык өндүрүүчүлөр карыларга ар кандай татаалдыктагы кам көрүү тапшырмаларын аткара ала турган роботту тартуулашкан. 150 килограммдык гуманоид робот бейтаптардын жалаяктарын алмаштырып, төшөк жараларынын алдын алуу үчүн аларды оодарып, отурууга, байпак кийүүгө, жумуртка кууруп, кийим бүктөөгө жана башка үй жумуштарын аткара алат.
Жакындарыңыз менен бөлүшүңүз:
Цитата, күндүн саны, кызыктуу үн билдирүүлөрү жана күндүн дайджести - биздин Telegram каналыбызда!
