Бүгүн, 7-майда Сириянын жаңы убактылуу лидери Ахмед аш-Шара биринчи европалык сапарын Франциядан баштап, өлкөнүн президенти Эммануэль Макрон менен эки өлкөнүн алакасын бекемдөөгө багытталган жолугушуу өткөрдү. Бул тууралуу France24 кабарлады.
Ахмед аш-Шараа Франциянын борбору Парижге барганы маалым болду. Макрон аны кучак жайып тосуп алып, экөөнүн ортосунда сүйлөшүүлөр болду. Бирок ал-Шаранын сапары француздардын басымдуу бөлүгүнө, өзгөчө оппозиция өкүлдөрүнө жаккан жок.
Улуттук биримдик партиясынын парламенттик тобунун лидери Марин Ле Пен өзүнүн X социалдык тармагына бул сапар “чагымчыл жана жоопкерчиликсиз” болгонун, “жихадчылар” менен жолугушуу өтө кооптуу экенин жазды.
«Шок жана коркунуч», — деп жазган Ле Пен.
Сапардын башка чоо-жайы азырынча айтыла элек.
Эске сала кетсек, үстүбүздөгү жылдын февраль айынын башында француз лидери Ахмед аш-Шара менен телефон аркылуу сүйлөшүү учурунда Сирия лидерин Францияга чакырган. Интервьюда Макрон аль-Шаранын инаугурациясы менен куттуктап, Сириянын өткөөл мезгилинде аны толук колдой турганын билдирди.
Жакындарыңыз менен бөлүшүңүз:
Цитата, күндүн саны, кызыктуу үн билдирүүлөрү жана күндүн дайджести - биздин Telegram каналыбызда!
