Израил Түркиянын күчөп бараткан таасирин алдын алуу үчүн Орусиянын аскерий базаларынын Сирияда калышын каалайт. Бул тууралуу Reuters маалымат булактарына таянып билдирди.
Басылма Израилдин расмий өкүлдөрү Вашингтонго Анкара колдогон Сириянын жаңы бийликтери Израилдин чек араларына коркунуч туудурушу мүмкүн деп билдиргенин жазат.
АКШда жайгашкан Century International аналитикалык борборунун өкүлү Арон Лунд: "Израилдин эң чоң кооптонуусу - Түркия Сириянын жаңы жетекчилигин коргойт жана ал акыры Хамас жана башка согушкерлер үчүн база болуп калышы мүмкүн" дейт.
Маселен, буга чейин Израилдин премьер-министри Биньямин Нетаньяху Сириянын түштүгүндө Хайат Тахрир аш-Шамдын (HTS) күчтөрүнүн болушуна чыдабай турганын айткан. Ал ошондой эле аймакты демилитаризациялоону талап кылды.
Агенттиктин булактарынын айтымында, Израиль Сирияны «алсыз жана борбордон ажыратылган» бойдон калтырууну каалайт. Орусияга Сириядагы аскердик базаларын сактап калууга уруксат берүү идеясы да бар. Москва Башар Асаддын режими кулагандан кийин өз базаларын көзөмөлдөй албай калган. Орусиянын Сирияда эки базасы бар: Тартус деңиз порту жана Хмеймим авиабазасы.
АКШ Израилдин сунушун кабыл алабы же жокпу азырынча белгисиз. Трамптын администрациясы “Израилдин ишенимдүү колдоочусу” катары эсептелгендиктен, Израилдин Ак үйдүн чечимине таасир этүүгө мүмкүнчүлүгү бар экени белгиленген.
Жакындарыңыз менен бөлүшүңүз:
Цитата, күндүн саны, кызыктуу үн билдирүүлөрү жана күндүн дайджести - биздин Telegram каналыбызда!
