Орусиянын Либералдык-демократиялык партиясынын негиздөөчүсү Владимир Жириновскийдин паспорту Санкт-Петербургдагы аукциондо 1 миллион 100 миң рубльга (13 миң долларга жакын) сатылды. Бул тууралуу Түндүк аукцион үйүнүн сайтында маалымдалды.
Маалым болгондой, документ аукциондо №750 лот боюнча коюлган. Советтик үлгүдөгү «чет элдик» паспорт 1992-жылдын 19-октябрынан 1997-жылдын 19-октябрына чейинки мөөнөткө берилген.
“Баанын жасалма өсүшүнө жана стихиялуу сатууга жол бербөө үчүн” лот үчүн 100 000 рубль өлчөмүндө кайтарылып берилүүчү депозитти киргизүү сунушталууда.
Бир катар орус басылмалары Жириновскийдин 2008-жылдын мартындагы президенттик шайлоодон кийин журналисттерге берген маегинде «ал кайтып келди» деп айткан сөзүн эске салды.
«Мен сага көрүстөндөн да белги берем», - деди Жириновский ошондо.
Маалымат үчүн айта кетсек, Жириновский 2022-жылы 6-апрелде 75 жашында узакка созулган оорудан кийин каза болгон.
Ал каза болгондон үч жыл өткөн соң орусиялыктардын Жириновскийге ишеними 6 пайыздык пунктка өсүп, 66 пайызды түзгөн. Окумуштуулардын айтымында, бул көрсөткүч келечекте дагы өсө берет.
Саясатчы либералдык-демократиялык партиянын негиздөөчүсү гана эмес, “пайгамбар” катары да белгилүү. 2024-жылы декабрда Орусиянын президенти Владимир Путин Жириновский пайгамбар эмес, “билимдүү жана даяр адам” экенин баса белгилеген.
Жакындарыңыз менен бөлүшүңүз:
Цитата, күндүн саны, кызыктуу үн билдирүүлөрү жана күндүн дайджести - биздин Telegram каналыбызда!
